Aarangkada na sa Ilocos Norte ang dalawampu’t tatlong modern jeepney na may rutang Laoag-Bacarra-Pasuquin.

Ito’y pinasinayan mismo ni Department Of Transportation Secretary Arthur Tugade. Bumisita siya sa Ilocos Norte kasama ang mga opisyal ng land Transportation And Franchising and Regulatory Board o LTFRB.

Ito na ang simula ng pagbabago ng transportasyon sa Ilocos Norte. Unti-unti na kasi ang pag phase out ang mga traditional jeepney.

Sa ngayon, aabot na sa halos tatlumpu ang kabuuang bilang ng modern jeepney sa Ilocos Norte. Nauna na kasing mamamasada ang mga modern jeepney na may rutang Laoag-Batac-Paoay.

Aabot naman sa 930 ang kasalukuyang bilang ng mga traditional jeepney sa Ilocos Norte. Ang mga nasabing modern jeepney ay sasailalim sa isang kooperatiba.