Habang ramdam ang mainit na panahon sa ilang bahagi ng bansa, ulan na may kasamang yelo naman ang naranasan sa Baguio City.
Ayon sa PAGASA Baguio, ang pag-ulan ay sanhi ng thunderstorm. Kahit tag-init, posible pa ring magkaroon ng hailstorm o thunderstorm dahil sa mabilis na evaporation ng tubig.
Nakaranas din ng pag-ulan ng yelo sa ilang bahagi ng La Paz, Abra. Kasing laki ng holen ang mga nakitang yelo. Wala namang napabalitang nasaktan sa naturang pag-ulan ng yelo.
Para sa mga advisory ng thunderstorms, bisitahin lamang ang facebook page ng DOST PAGASA.
