BREAKING NEWS!

Daanan sa La Trinidad Benguet, Binakuran; mga residente, problemado kung paano makakadaan

Problemado si aling Annie at sampu pa nitong kapitbahay sa Cogcoga, Barangay Pico, La Trinidad Benguet. Para na rin daw kasi silang na-total lockdown.

Biglaang kasing sinimento at binarikadahan ang road right of way sa lugar. Kaya napapakamot tuloy siya kung papaano makakadaan.

Ayon kay Annie, binili ng isang kumpanya ang lupang nasa harapan nila. Hindi raw nila inakala na hahantong sa ganitong sitwasyon. Kaya humihingi na sila ng saklolo sa lokal na pamahalaan ng La Trinidad.

Ayon naman kay Mayor Romeo Salda, base sa nakalap nilang impormasyon ang bakod ay itinayo ng bagong owner, ang Pines City Doctor Hospital.

Nais lang ng ospital na matiyak ang seguridad sa lugar. Ngunit lumalabas na hindi umano sakop ang kalsada ng bagong biling lupa at wala pang kaukulang fencing permit ang nasabing proyekto.

Kahapon, binisita ni Mayor Salda ang lugar. Nadatnan niya ang mga nagsasagawa ng survey.

Dahil dito, sumulat sila sa mga may-ari para tanggalin ang bakod. Payag naman ang Pines City Doctors Hospital pero sa loob lamang daw ng labing limang araw.

Inalmahan ito ng lokal na pamahalaan. Dahil dito napagdesisyunan ng lokal na pamahalaan na mag-usap ang mga may-ari ng lupa at mga residente.

Wala pang opisyal na pahayag o komento ang pamunuan ng Pines City Doctor Hospital tungkol sa issue.

SHARE THIS ARTICLE NOW

COMMENTS

Write a Reply or Comment

Your email address will not be published. Required fields are marked *


TAGS

The latest news from luzon. Timely. Accurate. Fair.

CJH Team 1 virtual Seniors Fil B winner

Camp John Hay Team 1 virtually clinched the Seniors Fil B title after upping its lead to 53 with a round remaining in the 72nd Fil-Am Invitational Golf Tournament Tuesday at