Bistado kagabi lalaking ito sa Barangay Poliwes, Baguio City sa ikinasang buy-bust operation ng mga awtoridad. Pero laking gulat ng barangay dahil isa sa mga kasamahan nila ang hinuli nakilala ang suspek na si Kenneth Bryan Aberin Balalang, 23 anyos, SK kagawad ng Barangay Poliwes at residente ng nasabing lugar. Nakuha sa kanya ang boodle money na ginamit sa transaksyon at isang pakete na naglalaman ng hinihinalang marijuana na may bigat na 15 gramo at tinatayang nagkakahalaga ng 1,500 pesos sa Kalinga.

Nahuli din sa ikinasang buy-bust ang isa sa top 10 drug personality ng Cordillera. Nakilala ito na si Bernel Dawangan Bigot, 24 anyos at residente ng Lacnob, Kalinga. Ibinenta ni Bigot sa mga awtoridad ang 10 kilo ng marijuana na tinatayang nagkakahalag ng 1,200,000 pesos. Nakatakas naman ang kasama nito sa pagbebenta.

Sa La Trinidad, Benguet, huli rin ang isang vegetable packer. Nakuha sa suspek ang isang pakete na naglalaman ng hinihinalang shabu. Sasampahan sila ng reklamong paglabag sa republic act 9165 o Comprehensive Dangerous Drugs Act of 2002.