Coffee while strolling along the park? Sa bagong bukas na mobile café na ito sa Rose Garden sa Burnham Park, pagmasdan ang mga rosas sa hardin habang umiinom ng kape.
Ito ang pakulo nina Michael William Jacob at King George Bueno na may-ari ng naturang mobile café. Dati silang may-ari ng isang café sa Baguio pero dahil sa lockdown, naisip nila na magkaroon na lang food truck at coffee bar.
Bukod sa kape, maaari ring matikman ang mga inuming gawa sa mga bulaklak.
Bukas ang mobile café mula alas otso ng umaga hanggang alas singko ng hapon.
Nagpaalala naman ng pamunuan na laging sumunod sa mga health protocol na umiiral sa lungsod.
